من هي الشاعره نجديه

Akay15na
منذ 12 سنة

صاحبة سموّ متخفيّة
قيل انها زوجه الامير خالد الفيصل
وقيل انها زوجة الامير سلطان رحمه الله
والله اعلم.

Moussa077
منذ 12 سنة

عموما هي زوجة الامير سلطان بن علدالعزيز
وهي من الاسرة المالكة
احساسها الشعري متفجرّ
بشكل خيالي
ويقال ايضا انها زوجة خالد الفيصل
والله اعلم
فالشاعره لم تفصح عن اسمها الحقيقي
وتتكلم في اغلب اشعارها عن الحبيب الغائب

Khalifab13
منذ 12 سنة

الشاعرة
نجدية
^^
اسم وهمي
شاعرة من الوزن الثقيل
كلماتها جدا رائعه
المنافس الوحيد لخالد الفيصل
واغلب اشعارها هي وخالد الفيصل
ردود على بعض
قويّة نجدية
عموما هي زوجة الامير سلطان بن علدالعزيز
وهي من الاسرة المالكة
احساسها الشعري متفجرّ
بشكل خيالي
ويقال ايضا انها زوجة خالد الفيصل
والله اعلم
فالشاعره لم تفصح عن اسمها الحقيقي
وتتكلم في اغلب اشعارها عن الحبيب الغائب

عقبالنا
-----
مقتطفات فقط
خالد الفيصل
لا يطول غيابك ثم اخذ عليه
لو تخليت عني عنك قلبي تخلى
العذر والتعلل والحكي ما نبيه
من تحرك فواده بالهوى ما تغلى
نجدية
لو تخليت ويش لي بالحياه أرتجيه
لـو تخـليت ما عـــنك خـفـوقي تخلى
والله أنك ملكـته قمت تربعت فيه
وما لغيرك حبيبي وسـط قـلبي محـلّه
////
خالد الفيصل
تستاهل الحب نجدية
رفيعة الشان عجّابة
العين ياعين بحرية
لقلوب الاحباب نهاّبة
نجدية
لك وحشة يا هوى بالي
زادت على القلب غرباله
كني مع الناس بالحالي
والشوق وثقّ بي حباله
///
الان اخذت متفرقات من اشعارها
.
بعت محبوبك ياغالي
الوليف ارخصت قربه
مارحمت دموع عينـه
والونيـن اللـي بقلبـه
اسألـك باللـي خلقنـا
داعـي الاشــواق لـبـّه
او تسهل في اختيارك
خـل محبوبـك لربـه
!!
///
.
يعتادني عـيد الشقا يـوم فرقـــاك
ويعتادني عيد الفرح يوم اشوفك
ماهوب عيد ما سمح لي بلا ماك
عـزىّ لعــين شوفهــا ما يحوفـك
يشتاق لك بالــحــيل قـلب تمــناك
قــلــب يعشق فيك كامل وصوفـك
قلب يشــّع من الفرح لين لا قـاك
وليل تلاقت مع ظروفه ظــروفــك
ما ظــنتي أصـبر ياحــبيــبي بليــّاك
من غير ما تلمس يديني كـفـوفـك
////
ويا ملا لو تنشدون عن غلا نور العيون
جاوبتكم دمعـــتي
حبه اللي بالوريد من قدم ما هو قديم
راس مالي و ثروتي
////
ماأقوى العزى عنك لاوالله
لكـــن تـحـدتـني ظــروفــي
ظنيت في البعد لي سلوى
وانا اللي انصبت بسيوفــي
حاولت اداوي وجع عيني
بس اخطفت عيني اكفوفي
ياصاحبي لبّ لي شوفك
اســيـرك اليوم مكــتوفــي
متغرب يرتجي وصلك
ياعـــللك بحــالــه تـروفــي
حاول يصور معاناته
عـبـر عــن الـشــوق بحروفي
////
الهـــــــــوى جـــــنــوبي
يتبعــك محبـــــــوبي
ودار خــــلي داري
مـــع خــــــــــــــطاه
دروبي
!!
////
يا لتني خذت المرض عنك ما جاك
وتصير من بدّ الخلائق طبيبي
ترى حياتي ما تهنا بلياك
ليتك دوى من عند عيني قريبي
////
اترككم مع اخر قصيدة
اتمنى تعجبكم
يامن يراعيني بعينه واراعيه
في عيون قلبي كل مالاح زوله
يفز قلبي لا تبــدت موالــيه
واغض عنه الطرف والناس حوله
اقعد معه في الناس مااقد ر احاكيه
اخشى لساني يختلف في مقوله
يغلي الحكي في خاطري مااقدر احكيه
يصرخ بصدري صمت قد طال طوله
اسرح بفكري لا جا طاري فيه
لا اقدر ارد الهرج ولا اقدر اقوله
لا اقدر افيض سر قلبي ولا اخفيه
لا اقدر اداوي له جروح عليلة
يامن يناديني بقلبه واناديه
يامودع ليلي ليال طويلة
ينسى الغفى عيني اذا جيت باغيه
يامن يلوم الي خلا من خليله
//
اخذ معي الموضوع
ساعة ونصف مابين جمع معلومات واشعار وتنسيق
اتمنى يروق لكم
:)