كيف تعرف هدفك في الحياة?

محمد البحري
منذ 11 سنة

بسم الله و الصلاة و السلام على رسول الله صلى الله عليه و سلم

انت ايه هدفك في الحياة ؟؟؟ ... اكيد حد سألك قبل كدة السؤال ده !! صح ؟؟؟

و غالبا برضه بتكون الاجابات ... اما انك بتقول مش عارف ... او ماليش هدف ... او تقول اول جملة تتبادر الى ذهنك و غالبا بتكون مش ذات معنى واضح و هدف ثابت صريح

----

لو انت من الناس دي ... ارجوا ان النوت دي تفيدك في تحديد فعلا ما هو هدفك في الحياة

طيب يعني ايه هدفي في الحياة ؟ ... انا مش بكلمك عن شغلك او مسئولياتك اليومية او اهدافك الطويلة المدى اللي عايز تحققها

انا بكلمك عن انت مخلوق اصلا ليه ؟؟؟ ايه الرسالة اللي نفسك توصلها للبشرية ؟؟؟ ايه الفكر اللي انت نفسك تدعمه ؟؟؟

قد تكون ممن يقولون ان الحياة بلا قيمة او هدف ... جرب معانا التجربة ده للآخر بس مش هوعدك انها هتكون سهلة بالنسبالك ... ممكن تاخد معانا وقت طويل اوي ممكن يصل الى اكثر من ساعتين

ايه اللي انت محتاجه ؟؟؟
1-قلم و ورق
2-مكان هادئ تكون فيه لوحدك ((غرفتك))مثلا

ملاحظة : لو بدأت التجربة لا تقف في نصفها و تقول اكمل بعدين ... او اي حاجة تشتت انتباهك ... خليك في قمة تركيزك

التجربة :

1- اكتب عنوان كبير : ايه هدفي الحقيقي من الحياة ؟
2- اكتب اول اجابة تيجي في بالك
3- كرر الخطوة رقم 2 و استمر في تكرارها

اكتب كل ما يتبادر الى ذهنك ... ممكن تلاقي نفسك في بعض الاوقات بتعيد نفس الكلام بصيغ مختلفة ... مش مهم
اكتب كل ما يتبادر الى ذهنك في الورقة و افضل اكتب اكتب اكتب

الناس اللي مؤمنة ان الحياة مالهاش هدف ... انت ممكن تبدأ الاختبار بالجملة دي و ابدأ اكتب برضه

لغاية ما تكتب الاجابة اللي تخليك تبكي ... هي دي هتكون اجابتك عن السؤال الكبير بتاعنا

ملحوظات :

1- عادة الانسان بياخد من 15 الى 20 دقيقة حتى يفرغ رأسه من كل ما يتبادر الى الذهن من افكار خاطئة او غير واضحة

2- بعد تقريبا 50 اجابة هتبدأ تشعر بملل و تكون بتدور على حاجة تانية تشغلك ... اياك تتوقف ... استمر في الكتابة

3- بعد تقريبا 100 اجابة هتلاقي نفسك مش قادر تماما و محتاج راحة ... ممكن تاخد دقيقة راحة تصفي فيها ذهنك

4- ممكن تحس في بعض ما ستكتبه بشئ من العواطف ... لا تتأثر ... استمر في الكتابة حتى تصل لمرحلة البكاء

5- جايز يكون بالنسبالك ... هدفك في الحياة اللي ابكاك ... يعتبره حد تاني حاجة مالهاش لازمة ... طبيعي جدا ربنا خلقنا مختلفين



دلوقتي بعد ما وصلنا لهدفنا في الحياة ... ننتقل للمرحلة الجديدة

انك تشتغل من اجل هذا الهدف

انك تخلي حياتك تدور حول الهدف ده من اجل تحقيقه ... في كل عمل تعمله ارجع اسأل نفسك ... هل ده هيقربني من هدفي المنشود ؟؟؟

خلي ورقة مكتوب فيها الجملة الاخيرة دايما قدام عينك ... علقها على دولابك ... مكتبك ...في محفظتك ... اي مكان

اخيرا ... ياريت لو قمت بالاختبار ده و نجح ... تدخل تكتبلنا في الصفحة اجابتك لو سمحت علشان الناس تعرف مدى جدوى القيام بالتجربة

و شكرا جزيلا ليكم
-----
مترجم من مقال انجليزي

Chaoui king dz
منذ 10 سنوات

هذا يعتمد على نظرك في قائمة أهدافك واختيار ثلاثة نقاط ارتكاز ترى أنها الأهم بالنسبة لك، ثم أعط كل واحدة منها رقما من عشرة، ما يبرز أنه أعلاها بمعيار رغبتك الملحّة للعمل له، وتناسبه مع إمكانياتك وسيكون هو الهدف الذي تربط حياتك به وتسعى له.

Mohamed1989
منذ 9 سنوات

تعرف هدفك في الحياة بالعمل