كيف تجعل شعرك ناعم ؟
0 0
السلام عليكم ورحمه الله
قبل ما ابدا متنسوش التقيم علشان اكتر عدد يشوف الموضوع
لقيت بنات كتير بتسال ازاى تعتنى بشعرها وازاى يبقي ناعم
وكله عايز يجيب مكواه شعر او يفرد بكريمات الفرد وطبعا دى ضاره جداااااااااااااااا وبتسبب تساقط الشعر وتقصفه مع مرور الوقت
انا الحمد لله عرفت افرد شعري واخلى مظهره صحى لامع وطري
اولا انا شعري مموج بس مش متقصف لما جبت البيبي ليس الحمرا والسيرم اه بتفرد بس مبتديش النتيجه المطلوبه وبيهيش بسرعه ومبيبقاش ليس اوى
قريت كتير عن العنايه بالشعر
واتاكدت ان اهم من فرد الشعر المظهر الصحى علشان لما تفرديه يكون شكله طبيعى
واهم التجارب الناجحه اللى حولت شعري لشعر صحى وجميل ولما افرده متعرفيش تفكري دي طبيعته
وصفه سهله وبسيطه
مايونيز +زيت زيتون+زبده +زبادى+ليمون +عسل
تعملي ماسك لشعرك طول الليل وتلبسي بونيه وتغسليهه الصبح بمايه دافيه وشامبو بسيط جدا
ولما ينشف شويه ويبقي مستطري لفيه طاقيه هيبقي تحفه مش هتعرفي شعرك اصلا
تانى حاجه
زيت دابر املا الاماراتى و زيت الحشيش الاماراتى
دول انا جبتهم لتطويل الشعر وفعلا في شهر لاحظت الفرق في الطول بس الاهم شعري بقي ناعم جدا جدا ولما بعمله بالبيبي ليس بيبقي تحفه وفرق شاسع لما اعمله دلوقتى وقبل استخدام الزيوت دى وبيقعد بالاسبوعين لو مغسلتيش شعرك وبيلمع جدا حتى من غير ما اتخدم سيرم ولا بالمرز وشعر بنتى كمان اتحسن علي دابر املا بعد مكان هايش وجاف
بس خلي بالك دابر املا بيسود الشعر وصعب تصبغيه وانتى بتستخدمى الزيت الا بعد سنه علي الاقل
زيت الزيتون يوميا ممتاز للشعر وتنعيمه
ملحوظه بالنسبه للبيبي ليس
انا بستخدم الحمرا اللي بالبخار
وفعلا رائعه ومع الوقت هتتعود عليها وتستخدميها اسهل وزى المحترفين وماثرتش لا شعري ولا تقصف ولا جراله حاجه بس طبعا متفرطيش في استخدامها ولو شعرك فتلته ناعمه ورقيقه استخدمى حراره هاديه
وخلي بالك اللي بتتباع رخيصه دى تقليد مش اصليه
الاصليه في بي تك
دى طريقه عمل المايونيز في البيت
بجيب بيضه ومعلقه خل في الخلاط واضربهم وكوب زيت اخد منه نقط بالمعلقه علي البيض والخل والخلاط شغال احط من الفتحه اللي فوق وبعدين انزل الزيت زى سرسوب لغايه الكميه ماتخلص اهم حاجه الزيت ينزل برالاحه م تقلبيه مره واحده وممكن تستخدمى اى زيت درة او عباد شمس متنسوش التقييييييييييييييييم لانى تعبت ف الموضوع دة وحبيت افيد
عن المساهم
- الأسئلة :2
- الإجابات:8
- مشترك منذ:2013-05-18
- المستوى:مساهم
- النقاط الشهرية :0
- مجموع النقاط:4